- 4 -

1263. o. T.

In nomine domini amen. Omni calumpnie, ianua precluditur dum quod geritur scripti testimonio roboratur. Igitur ego Mrocco palatinus Opoliensis notum facio omnibus presentibus et futuris quod ad peticionem domini Petri abbatis de Ruda et fratrum ipsius et de voluntate serenissimi principis Vladizlaui pro remedio anime mee recepi bona eorum videlicet Stayniciam et centum magnos mansos de silva in Boycou, ut bonis hominibus ea bona collocarem in hunc modum, ut postquam ville ibi locate ad plenam venerint solucionem, michi solvant censum et decimam domino abbati et fratribus temporibus vite mee. Sed cum dies exstrema michi advenerit, omnia, census et decima et omnes utilitates domino abbati et fratribus veniant in omni tranquillitate possidenda. Et ne hoc factum aliquis de posteris meis calumpniose vel violenter valeat immutare, presentem paginam contuli atestantem eis mei sigilli munimine roboratam. Datum anno domini M°.CC°.LX°.iii°.

Vom Siegel ist nur der schmale Pergamentstreif übrig, an welchem es hing.
Alte Aufschrift: De locacione villarum de Sconualde et de Staniche.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.